Қоғамдық  тамақтандыру және сервис колледжінің қамқоршылық кеңесінің отырысы болып өтті. Отырысқа кеңес мүшелері Нұр-Сұлтан қаласы шеф – аспаздар гилдиясының  төрағасы Р.А. Имамниязов, Нұр-Сұлтан қаласы Кәсіпкерлер Палатасының адам капиталын дамыту бөлімінің басшысы Ж.М.Туребекова, «Алматы» ауданы ІІБ жасөспірімдер инспекциясының учаскелік инспекторы А.А.Наурызбаев, Қазақстан Республикасы Парламенті Мәжілісі халықаралық істер, қорғаныс және қауіпсіздік комитетінің кеңесшісі-депутат көмекшісі Т.К.Мусаев, ИТ компаниялардың Қазақстандық ассоциациясының атқарушы директоры Ж.Е.Увалиев, ПКК-286 оқу тобы ата-аналар комитетінің мүшесі А.В.Сабадаш, жеке кәсіпкер Е.Р.Серкебаев қатысты.  Колледж директоры, экономика ғылымдарының кандидаты Клышбаева З.А. және педагог, шеберлердің қатысуымен өткен бас қосуда  1. Әлеуметтік серіктес кәсіпорындармен студенттердің дуалды оқыту бағдарламасын бекіту және келісім шарттар жасау туралы 2. Колледждің стратегиялық (миссия, мақсат, міндеттер) жоспарымен таныстыру 3. Қамқоршылық кеңесінің 2020-2021 оқу жылына жұмысын жоспарлау 4. Жетім және ата-анасының қамқорлығынсыз қалған студенттерге әлеуметтік көмек көрсету барысы қаралды. Әлеуметтік серіктестердің, педагог, шеберлердің, ата-аналардың әлеуетін ұтымды пайдалану арқылы оқу орнының  деңгейін одан әрі көтеруге бағытталған кеңес мүшелерінің пікірлері талқылауға кең негіз болды.