Қоғамдық тамақтандыру және сервис колледжінде «Book times» кітап оқушы жастар клубы өмірге келді. Бұл жастардың бойында әлеуметтік желіге деген тәуелділікті азайтып олардың кітап оқуға деген ықыласын қалыптастыру мақсатында құрылған. Бірінші отырыс «Үттегі қақ» кітабының авторы, ақын Ғылымнұр Қадырбай және оқу орнының шығармашылыққа бейім ұстаздары мен студенттерінің қатысуымен өткізілді. Шараға қатысушыларға кітапхана кеңесінің Қазақстан Республикасы Тәуелсіздігінің 30 жылдығына арналған библиографиялық шолуы ұсынылып, Ы.Алтынсаринның шығармалары талқыланды. Сонымен қатар, іс-шара барысында жырдан шашу шашылып, келесі отырыста Дәурен Қуаттың  «Бөрі соқпақ» шығармасына арнауға келісілді.