Қоғамдық тамақтандыру және сервис колледжі ZOOM платформасы арқылы ата-аналар жиналысын өткізді. Басқосуға барлық курста оқитын студенттердің ата-аналары кезең-кезеңімен қатысып, қашықтықтан оқыту жүйесіндегі білім беру мүмкіндіктерін жан-жақты саралады. Сонымен қатар, өндірістік оқыту мен тәжірибеден өту, тәртіп, сабаққа қатысу мәселелері , білім алушылардың қауіпсіздігі мен құқық бұзушылықтың алдын-алу барысындағы өзекті тақырыптар талқылауға негіз болды. Кездесу барысында ата-аналар тарапынан көтерілген пікірлер мен ойлар басшылыққа алынып, қорытындысы бойынша оқу, өндірістік және тәрбие жұмыстарын жаңа деңгейге көтеруге бағытталған шаралар белгіленетін болып келісілді.