Наурыз – шығыс елдерінің бүкілхалықтық мейрамы, Ұлыстың ұлы күні. Студенттік Парламенттің ұйғаруымен үстіміздегі жылдың қасиетті мерекесін атап өту ерекше бағытта жүзеге асты. Амал мерекесімен бастау алған апталық шырайлы шараларға толы болды. Көрісу күні жақсы тілек тіленіп, құттықтау, кешірім жасау, табысу сияқты адамгершілік қасиеттер көрініс тапты, студент-жастар  жақсы өнегеден үлгі алды. Оқу орнының барлық студенттері мен қызметкерлері бір кісідей ұлттық киім киіп, ұлттық тағамдар жәрмеңкесі ұйымдастырылды. Тоғызқұмалақ, арқан тарту, кір тасын көтеру, қол күресі, асық ойыны ұлттық  спорт түрлерінен жарыстар өткізілді. Апталық театрландырылған көріністер көрсетілген, ән мен жыр төгілген қойылыммен қорытындыланды. Мерекелік көңіл-күйдегі үлкен мен жас наурыз көжеден ауыз тиді.