Сүйінші! Нұр-Сұлтан қаласы білім беру мекемелерінің 2019-2020 оқу жылындағы оқу-тәрбие үдерісінің қорытындысы бойынша Қоғамдық тамақтандыру және сервис колледжі Нұр-Сұлтан қаласы әкімінің ГРАНТЫМЕН марапатталды. Елордадағы еңселі оқу орнының ұжымын қала әкімінің грантын жеңіп алуымен құттықтаймыз. Ауызбіршілігі мықты, сөзі мен ісі бір, ұжымдасқан, қоян-қолтық, иықтірестіре атқарған игілікті істердің әрдайымда жемісін берері рас екендігіне көз жеткізіп отырмыз. Бағытымыз түзу, еңсерер биігіміз анық. Жеңіс құтты болсын!