Бүгін –  нарық заманының мәртебелі мамандығына айналған  халықаралық аспаздар күні. Тіл үйіретін, тәтті тағамдар дайындайтын кәсіп иелері бағзы заманнан бері аса зор құрметке ие болып келеді. Аспаз болу бір өнер. Олай болса сол кәсіпке болашақ мамандарды дайындап келе жатқан республикамыздағы іргелі оқу орны-ол Нұр-Сұлтан қаласы әкімдігінің Қоғамдық тамақтандыру және сервис колледжі.

     Үстіміздегі жылы құрылғанына 37 жыл болған оқу орны замануи өзгерістерге сәйкес тың жаңалықтармен толығуда. Мысал ретінде «Жас маман» бағдарламасы бойынша соңғы үлгідегі технологиялық құралдармен жабдықталған, 2 ғимараттан тұратын «Құзыреттілік орталығын» айтуға болады. Мұның өзі оқу орнының шығармашылық ұжымын кәсіби құзыретті мамандар дайындау ісін инновациялық тұрғыдан жүргізуде тың ізденістерге итермелейді.

     Қоғамдық тамақтандыру және сервис колледжі барлық студенттерді, оқытушы-шеберлерімен әлеуметтік серіктестерді халықаралық аспаздар күні мерекесімен шын жүректен құттықтайды. Еңбектеріне табыс, отбастарына аманшылық, дайындаған тағамдары арқылы тұтынушылардың алғысына бөленуіне тілектеспіз.