Қоғамдық тамақтандыру және сервис колледжі қамқоршылық кеңесінің кезекті отырысы болып өтті. Кеңес мүшелері 2020-2021 оқу жылы бойынша атқарған жұмыс қорытындысы, «Жас маман» жобасы бойынша жүргізілген жұмыстар, 2021 бюджет жылға қаралған қаржының игерілуі, 2021-2022 оқу жылының мемлекеттік тапсырысын қалыптастыру, Оқу орнын жаңа үлгідегі ақпараттық технология құрал-жабдықтарымен жабдықтау, Жетім және ата-анасының қамқорлығынсыз қалған студенттерге әлеуметтік көмек көрсету, Оқу жүйесінде академиялық адалдық қағидасын сақтау бағытында атқарылған жұмыстар, Оқу орнының жаңа мамандықтар ашу арқылы оқу бағдарламаларын байыту жолдары туралы мәселелерді тыңдап,талқылады. Оқу орнының қала деңгейіндегі орны, оны одан әрі жетілдіру жолдары пікірлерге негіз болды. «Жас маман» жобасы арқылы ашылған құзыреттілік орталығының жұмысын жандандыру, оны заманауи кәсіби даму кешені ретінде жұмысын жолға қою ұсынылды.