1 ақпан күні колледжде «Инклюзивті оқу ортасы: ерекше білім қажеттіліктері бар студенттермен арнайы топтарда жұмыс істеу ерекшелігі» тақырыбында қалалық семинар өтті. Семинарға Астана қаласы ТжКББ ұйымдарының оқытушылары, Әдістемелік орталық өкілдері, ерекше білім беру қажеттіліктері бар студенттермен жұмыс істейтін мамандар және колледж студенттері қатысты.
Семинардың бірінші бөлімінде колледжіміздің оқытушылары инклюзивті білім беру бағыты бойынша баяндамалар жасап, К-352 арнайы топ студенттермен жұмыс жасау тәжірибелерімен бөлісті. Екінші бөлімде өндірістік оқыту шебері Ш-357 арнайы топ студенттерімен шеберлік сыныбын өткізді.
Шара соңында Әдістемелік орталықтың инклюзивті білім беру бөлімінің басшысы М.Марат барлық қатысушыларға жемісті еңбектері үшін алғысын білдірді.