Осы қолға алынған бағыттың бірі академиялық ұтқырлықты одан әрі дамыту. Өйткені, шетелдік колледждермен стратегиялық әріптестікті дамыту инвестицияларды тарту және оқыту, тиімді менеджментті қалыптастыру аса маңызды. Жыл сайын педагогтар мен студенттеріміз Түркияның Анталья қаласындағы, Мехмет Зеки Балджы атындағы Мемлекеттік «Кәсіптік-техникалық колледждің» әлеуметтік серіктестерінің базасында тәжірибелік тағылымдамадан өтіп келеді. Бұл теориялық білімді тәжірибеде қолданып, біліктілікті арттыруға, кәсіби дағдыларды дамытуға үлкен мүмкіндік береді. Жемісті бастама биыл да жалғасын табады. Академиялық ұтқырлық аясында 50 студент пен 8 педагог түрік еліндегі әріптестермен тәжірибе алмасуға барады. Осы ретте екі ел арасындағы байланыстың беки түсуіне себепші болып жүрген Түркия Республикасының Қазақстандағы Төтенше және Өкілетті Елшісінің білім жөніндегі кеңесшісі Омер Инан мырзаның еңбегін айрықша айта кеткен жөн. Елшіліктің қолдауымен оқу ордамызда «Түрік тілін оқыту» жобасын қолға алып жатырмыз. Алдағы уақытта жоба жұмысын, жеткен жетістіктерді жариялайтын боламыз.