Республикалық «Атамның аманаты» қоғамдық бірлестігімен арадағы меморандумға сәйкес колледжімізде Ұлы Отан соғысының 80 жылдығына арналған ерекше кездесу кеші өтті. 🎖️ «Қазақстан Республикасына қызмет етемін!» тақырыбында өткен шараның құрметті қонағы – бірлестіктің бас маманы, запастағы майор Жексекеева Бахытгүл Хасенқызы болды. Ол студенттермен еліміздің әскери даңқы, ардагерлердің ерлігі және патриотизм тақырыбында мазмұнды әңгіме өрбітті. 🦅 Бұл кездесуге колледжіміздің алғашқы әскери даярлық пәнінің оқытушысы А. Нүркенов басқаратын «Ақ Сұңқар» әскери-патриоттық клубының мүшелері белсенді түрде қатысты. Студенттер көкейдегі сұрақтарын қойып, Отан алдындағы борыш, әскери қызметтің маңыздылығы жайлы құнды мәліметтер алды.